વાપી, તા.૦૯ ઃ વિક્રમ સંવત ૨૦૮૨ના અંતિમ દિવસે સોમવતી અમાસના પાવન અવસરે આજે વાપી પંથકનાં વિવિધ શિવમંદિરોમાં દર્શન અને પૂજા-અર્ચના માટે ભક્તોની ભારે ભીડ જોવા મળી હતી. બીજી તરફ દિવાળીના પર્વને લઈને વાપી શહેર સહિત આસપાસના વિસ્તારોમાં મકાનોને રંગબેરંગી રોશનીથી શણગારવામાં આવ્યા હતા. રંગોળી અને આતશબાજી સાથે લોકોઍ વર્ષ ૨૦૨૬ની દિવાળીને યાદગાર બનાવી હતી. દિવાળી માત્ર પ્રકાશનું પર્વ નથી, પરંતુ વર્ષભરની વ્યસ્તતા વચ્ચે પરિવાર સાથે આનંદની ક્ષણો માણવાનો અને વર્ષો જૂની પરંપરાઓને જીવંત રાખવાનો અવસર પણ છે. હિન્દુ સંવત વર્ષના અંતિમ દિવસે ઍટલે કે ગઈકાલે રવિવારે વેપારીઓઍ પોતાના ઘરો અને ધંધાના સ્થળોઍ ચોપડા પૂજન કરી શુભ મુહૂર્તમાં નવા વર્ષના હિસાબની શરૂઆત કરી હતી. અનેક પરિવારોમાં ઘરમંદિરમાં વિશેષ પૂજા-અર્ચના કરવામાં આવી હતી. આમ, ધાર્મિક આસ્થા, પરંપરા અને ઉત્સાહના ત્રિવેણી સંગમ સાથે વાપી પંથકમાં દિવાળી પર્વની ઉજવણી કરવામાં આવી હતી.