(દમણગંગા ટાઈમ્સ પ્રતિનિધિ)

ધરમપુર, તા. ૦૩ ઃ ધરમપુર તાલુકાના સામરસિંગી ફાટકથી પાંડવખડક તરફ જતા માર્ગ પર પીકઅપ અને મોટરસાઇકલ વચ્ચે અકસ્માત સર્જાતાં ૫૧ વર્ષીય રમેશભાઈ માહલાનું ગંભીર ઇજાઓના કારણે મોત નીપજ્યું હતું. પ્રા માહિતી અનુસાર ગત રોજ સવારે આશરે ૯થી ૯ૅં૩૦ વાગ્યાના અરસામાં પીકઅપ વાહન નંબર ઞ્થ્-૧૫-ખ્સ્-૯૭૩૫ ના ચાલક રોહિતભાઈ જીવલભાઈ જાદવે પુરઝડપે અને ગફલતભરી રીતે વાહન હંકારી સામેથી આવતી રમેશભાઈ લાછીયાભાઈ માહલાની સ્પ્લેન્ડર મોટરસાઇકલ નંબર ઞ્થ્-૧૫-ખ્ગ્-૭૫૯૯ સાથે ટક્કર મારી હતી. આ અકસ્માતમાં રમેશભાઈને માથાના ભાગે ગંભીર ઇજાઓ સહિત શરીરના અન્ય ભાગે ઇજાઓ પહોંચી હતી. જોકે, સારવાર મળે તે પહેલાં જ તેમનું મોત નીપજ્યું હતું. આ બનાવ અંગે મૃતકના બનેવી ચેદરભાઈ રતનાભાઈ ભોયા રહે. સામરસિંગી કરેલ ફરિયાદ અનુસાર  ધરમપુર પોલીસે આગળની તપાસ હાથ ધરી છે.