(દમણગંગા ટાઈમ્સ પ્રતિનિધિ)
દમણ, તા. ૨૬ ઃ બ્રહ્મો સમાજ દ્વારા ૨૪ ઓક્ટોબર, ૨૦૨૬ ના રોજ શનિવાર સાંજે, દમણના દુનેથા સ્થિત ડ્યુન્સ રેસિડેન્સી ખાતે ભવ્ય શરદ પૂર્ણિમા રાસ ગરબા ઉત્સવનું આયોજન કરવામાં આવ્યું હતું. આ કાર્યક્રમની શરૂઆત આરતીથી થઈ હતી, ત્યારબાદ આરતી થાળી શણગાર સ્પર્ધા અને રાસ-ગરબા સ્પર્ધા યોજાઈ હતી. પાંચ અલગ અલગ વય જૂથોમાં ૫૦ થી વધુ સહભાગીઓઍ ઉત્સાહપૂર્વક રાસ-ગરબા સ્પર્ધામાં ભાગ લીધો હતો. સહભાગીઓઍ તેમના પરંપરાગત પોશાક, નૃત્ય શૈલીઓ અને પ્રભાવશાળી પ્રદર્શનથી બધાને મંત્રમુગ્ધ કરી દીધા હતા. સ્પર્ધાના વિજેતાઓને ઇનામોથી સન્માનિત કરવામાં આવ્યા હતા. બધા ઇનામો સમાજના ભૂતપૂર્વ પ્રમુખ રાજેશ ઉપાધ્યાય દ્વારા પ્રાયોજિત કરવામાં આવ્યા હતા. સ્પર્ધામાં નિર્ણાયક તરીકે મોનિકા બારડ સેવા આપી હતી. જોશીઍ સમાજના તમામ સભ્યો અને કોર કમિટીનો કાર્યક્રમને સફળ બનાવવામાં સતત સહયોગ આપવા બદલ આભાર વ્યક્ત કર્યો. તેમણે જણાવ્યું કે તમામ સભ્યોના સહયોગ અને સમર્પણ વિના કોઈપણ કાર્યક્રમનું સફળતાપૂર્વક આયોજન કરવું અશક્ય છે. તેમણે કલ્પેશ પટેલ અને ડ્યુન્સ રેસિડેન્સીની સમગ્ર મેનેજમેન્ટ ટીમનો ખાસ આભાર માન્યો હતી. ઉપસ્થિત તમામ સભ્યો અને મહેમાનો માટે સ્વાદિષ્ટ રાત્રિભોજન પીરસવામાં આવ્યું હતું. આ ઉજવણીઍ સમુદાયની પરસ્પર સંવાદિતા, ઍકતા અને સાંસ્કૃતિક પરંપરાઓ સાથે જોડાણને વધુ મજબૂત બનાવ્યું. સમગ્ર કાર્યક્રમ આનંદ અને સૌહાર્દપૂર્ણ વાતાવરણમાં પૂર્ણ થયો હતો.