(દમણગંગા ટાઈમ્સ પ્રતિનિધિ)
વાપી, તા. ૨૧ ઃ વાપીમાં સોનારસ સામે બેરેજની કામગીરી અને દોઢ અબજના ખર્ચે બની રહેલા ઓવરબ્રિજના કામના કારણે શહેરમાં ટ્રાફિકની સમસ્યા વકરી છે.
પ્રા માહિતી મુજબ ઇમરાન નગરથી ગાંધી સર્કલ સુધીના માર્ગની હાલત ઓવરબ્રિજના કામને કારણે અત્યંત બદતર બની ગઈ છે. ખાડા અને ધૂળના કારણે વાહનચાલકોને ભારે હાલાકી પડી રહી હતી. આ પરિસ્થિતિને ધ્યાને લઈ હાલ બંને તરફ હંગામી રોડ બનાવવાની કામગીરી શરૂ કરવામાં આવી છે. હંગામી રોડના કામ દરમિયાન સોનારસ વિસ્તારમાં ભારે ટ્રાફિક જામ સર્જાઈ રહ્ના છે. સવાર-સાંજ પીક અવર્સમાં વાહનોની લાંબી કતારો લાગી રહી છે. જોકે પ્રશાસનના સૂત્રોના જણાવ્યા અનુસાર દિવાળીના તહેવારમાં વાહનચાલકોને વધુ હાલાકી ન પડે તે માટે તાત્કાલિક ધોરણે આ કામગીરી હાથ ધરવામાં આવી છે. તહેવાર પહેલા રોડ સમારકામ પૂર્ણ કરવાનો લક્ષ્યાંક રાખવામાં આવ્યો છે, જેથી ટ્રાફિક હળવો થઈ શકે.