દશેરા પર્વના આગમન સાથે સેલવાસના બજારોમાં ગલગોટાના ફૂલોની ખરીદી અને વેચાણમાં તેજી જોવા મળી રહી છે. પર્વની તૈયારીઓને લઈને શહેરના વિવિધ વિસ્તારોમાં ફૂલોની દુકાનો અને સ્ટોલ ઊભા કરવામાં આવ્યા છે. આ વર્ષે સારા વરસાદને કારણે ફૂલોનું ઉત્પાદન વધતાં બજારમાં આવક વધી છે, જેના પરિણામે ભાવમાં રાહત મળી છે. ગત વર્ષે ગલગોટાના ફૂલોનો ભાવ પ્રતિ કિલો આશરે રૂ. ૧૨૦ હતો, જ્યારે આ વર્ષે ભાવ ઘટીને રૂ. ૬૦થી ૮૦ની આસપાસ રહેતાં ગ્રાહકોને મોટી રાહત મળી છે. ફૂલોની વધુ આવકને કારણે ખરીદદારોને ઓછા ભાવે ફૂલો મળી રહ્ના છે.