(દમણગંગા ટાઈમ્સ પ્રતિનિધિ)
સેલવાસ, તા. ૨૫ ઃ દાદરા નગર હવેલી કેન્દ્રશાસિત પ્રદેશ વહીવટીતંત્ર અને શ્રમ વિભાગે ઔદ્યોગિક ઍકમોમાં કામદારોની સલામતી માટે કડક અને સતર્ક અભિગમ અપનાવ્યો છે. વહીવટીતંત્રે તાજેતરમાં નરોલીમાં જીપ ઇન્ડસ્ટ્રીઝમાં વીજળી પડવાથી ઍક કામદારના દુઃખદ મૃત્યુને ખૂબ જ ગંભીરતાથી લીધો છે. આ ઘટના બાદ તરત જ, શ્રમ વિભાગની ઍક ખાસ ટીમે કંપની પરિસરમાં સલામતી અને સુરક્ષા વ્યવસ્થાનું ઓચિંતું નિરીક્ષણ કર્યું હતું. આ વિગતવાર તપાસમાં કંપનીનું સંચાલન સંપૂર્ણપણે બેદરકાર અને ફેક્ટરી કાયદા અને શ્રમ સલામતી ધોરણોનું પાલન કરતું હોવાનું જાણવા મળ્યું. પરિણામે, વહીવટીતંત્રે કોઈપણ વિલંબ કર્યા વિના ઝડપી કાર્યવાહી કરી અને તાત્કાલિક અસરથી જીપ ઇન્ડસ્ટ્રીઝને સીલ કરી દીધી હતી.