(દમણગંગા ટાઈમ્સ પ્રતિનિધિ)

વાપી, તા. ૦૪ ઃ તાજેતરમાં વાપી તથા આસપાસના વિસ્તારોમાં આવેલા ભારે વરસાદ અને પૂરના કારણે અનેક પરિવારો મુશ્કેલીમાં મુકાયા છે. આ પરિસ્થિતિને ધ્યાનમાં રાખીને જાયન્ટ્સ ગ્રુપ ઓફ વાપી દ્વારા પડોર ખાતે પૂરગ્રસ્ત અને જરૂરિયાતમંદ પરિવારોને રાહત કિટનું વિતરણ કરવામાં આવ્યું. આ સેવા કાર્યમાં જાયન્ટ્સ ગ્રુપ ઓફ વાપીના તમામ સભ્યોઍ ઉત્સાહપૂર્વક ભાગ લીધો અને નિઃસ્વાર્થ સેવાભાવ સાથે જરૂરિયાતમંદ પરિવારો સુધી રાહત સામગ્રી પહોંચાડી. કાર્યક્રમમાં ઍસ.સી.ઍમ. . બાલા શેટ્ટી, પૂર્વ પ્રમુખ  ચારુશીલાબેન ભટ્ટ, પૂર્વ પ્રમુખ. હિરેન ગોર તેમજ જાયન્ટ્સ ટીમના સભ્યો અને દાતાઓઍ હાજરી આપી આ સેવાયજ્ઞને સફળ બનાવ્યો. જાયન્ટ્સ ગ્રુપ ઓફ વાપીના પ્રમુખ  રિતેશ રાવલઍ જણાવ્યું કે, આપત્તિના સમયમાં સમાજના દરેક વ્યક્તિ સુધી મદદ પહોંચાડવી ઍ આપણી સૌની સામૂહિક જવાબદારી છે. જરૂરિયાતમંદોના ચહેરા પર સ્મિત લાવવાનો આ નાનકડો પ્રયાસ છે.