દમણગંગા ટાઈમ્સ પ્રતિનિધિ
દમણ, તા.૧૨ ઃ રાષ્ટ્રીય વેક્ટર બોર્ન ડિસીઝ કંટ્રોલ પ્રોગ્રામ (દાદરા અને નગર હવેલી, દમણ અને દીવ) દ્વારા શુક્રવારે દમણ ઇન્ડસ્ટ્રીયલ ઍસોસિઍશન, સોમનાથના કોન્ફરન્સ હોલ ખાતે ઔદ્યોગિક ઍકમોના નોડલ અધિકારીઓ માટે ઍક ખાસ તાલીમ કાર્યક્રમનું આયોજન કરવામાં આવ્યું હતું. આ કાર્યક્રમ આરોગ્ય સચિવ ગોપી કૃષ્ણના માર્ગદર્શન અને આરોગ્ય સંયુક્ત સચિવ અમિત પમાસીના માર્ગદર્શન હેઠળ યોજવામાં આવ્યો હતો.
તાલીમ દરમિયાન, રાજ્ય કાર્યક્રમ અધિકારી ડૉ. ગણેશ વર્ણેકરે મચ્છર સંવર્ધન સ્થળોની ઓળખ, લાર્વા સર્વેક્ષણ, લાર્વાનો નાશ, જંતુનાશક છંટકાવ, સાાહિક ડ્રાય ફ્રાઇડે સફાઈ ઝુંબેશ અને દર્દીઓની સમયસર ઓળખ અને સારવાર અંગે માહિતી પૂરી પાડી. તેમણે ઔદ્યોગિક વિસ્તારોમાં વેક્ટર-જન્ય રોગોના નિવારણ માટે નિયમોનું કડક પાલન સુનિડ્ઢિત કરવાની જરૂરિયાત પર ભાર મૂક્યો.
કન્સલ્ટન્ટ વિશાલ દામાલિયાઍ ઉલ્લંઘન માટે કાનૂની જોગવાઈઓ અને દંડ સમજાવ્યા, ઉદ્યોગોને સ્થાપિત પ્રોટોકોલ અનુસાર તાત્કાલિક પગલાં લેવા વિનંતી કરી. તેમણે દૈનિક દેખરેખ પ્રવૃત્તિઓ અને રિર્પોટિંગ પ્રક્રિયાઓની પણ વિગતવાર માહિતી આપી.
આ કાર્યક્રમમાં મચ્છરોના વિવિધ લાર્વાના તબક્કાઓ, સંભવિત પ્રજનન સ્થળો અને લાર્વાનાશક દવાઓના વ્યવહારુ પ્રદર્શનોનો સમાવેશ થતો હતો. રક્ષણાત્મક ઉપકરણોના ઉપયોગ, પાણીના સ્ત્રોતનું સંચાલન અને સ્થાનિક નિવારક પગલાં અંગે પણ માહિતી આપવામાં આવી હતી.