(દમણગંગા ટાઇમ્સ પ્રતિનિધિ)

બીલીમોરા, તા. ૨૪ ઃ બીલીમોરા રેલ્વે સ્ટેશનના દક્ષિણ યાર્ડમાં દેસરા ઓવરબ્રિજ નીચે ઍક ૨૫ વર્ષીય યુવાને ટ્રેન નીચે પડતું મૂકી આત્મહત્યા કરી હોવાની ઘટના સામે આવી છે. પ્રા વિગતો મુજબ, ચીખલીના ખૂંધ ગામનો રહેવાસી શ્યામકુમાર હરિશભાઈ ઠાકોર (ઉં.વ. ૨૫) ગત તા. ૨૨/૦૨/૨૦૨૬ ના રોજ સાંજે હિસ્સાર ઍક્સપ્રેસ ટ્રેન આડે આવી ગયો હતો. ટ્રેનની અડફેટે આવતા યુવાનનું માથું ધડથી અલગ થઈ ગયું હતું અને ગંભીર ઈજાઓને કારણે તેનું ઘટનાસ્થળે જ કમકમાટીભર્યું મોત નીપજ્યું હતું.

બીલીમોરા રેલ્વે પોલીસે આ મામલે અકસ્માત મોત (નંબર ૧૫/૨૦૨૬) ગુનો નોંધી તપાસ હાથ ધરી હતી. બીલીમોરાની મેંગુસી હોસ્પિટલ ખાતે રાખવામાં આવેલી લાશની તેના પિતા હરિશભાઈઍ ઓળખ કરી હતી, ત્યારબાદ પોલીસે પંચનામું કરી મૃતદેહ વાલીવારસોને સોંપવાની તજવીજ હાથ ધરી હતી.